१. ज्वालामूखी फुट्छ
पहाड कोतर्दा दुख्छ मलाई, तराई चिमोटे पोल्छ
हिमाल कोपर्दा पागल हुन्छु, नसानसा नै टुट्छ
नेपालीले नेपाल नचिनेको देख्दा आमा
कसरी थाम्न सक्छु, उकुसमुकुस भएर ज्वालामूखी फुट्छ ।
२. के सक्छु म
चुम्बक जस्तो तिम्रो अँगालोमा अटाउन के सक्छु म
तिम्रै सुगन्धित मझेरीमा गुनगुनाउन के सक्छु म
यता डुलेँ उत्ता घुमे तिम्रै आँगन उत्कृष्ट भो
मेची काली मुस्कान भित्र हराउन के सक्छु म ?
३.रहर बढेको छ
तिमीले वीर गाथा सुनायौ, मैले सुने, सुन्ने रहर अरु बढेको छ
सिरदेखि पइतलासम्म सबै हेरें, हेर्ने रहर झन बढेको छ
एकता– विविधता, विविधता– एकता आहा कस्तो सुन्दरता
जति जति नेपाल बुझें मैले, झन झन बुझ्ने रहर बढेको छ ।
