गाउँ सुनसान विदेश जाने लस्करमा लागेपछि
कसको के लाग्छ राज्य नै तस्करमा लागेपछि
राजनीतिक परिवर्तनसँगै उँभो लाग्ला भनेको,
देशै डुब्ने भो शासक अस्वस्थकरमा लागेपछि ।
भोकोलाई ज्ञानगुणको महिमा सुनाएर के गर्नु
साँचो देखाएर बाहिरिने सपना बुनाएर के गर्नु
पापी पेटको सवाल छ यहाँ बाँकी जेसुकै होस्,
रोटी बाहेक अन्त ध्यान छैन गुनगुनाएर के गर्नु ।
फेर्दा फेर्दै जीवनमा नफेरेको के पो बाँकी छ र
दृष्टि दिएर संसारमा नहेरेको के पो बाँकी छ र
कहिले फेरिन्न भन्छ कहिले हेरिन्न भन्छ मुखले,
दिएको वचन आफै नसेरेको के पो बाँकी छ र !
